ఏకాకి

 ఏవి తల్లీ నిరుడు కురిసిన హిమ సమూహములు 

నాడు విరిసిన స్నేహ కుసుమాలు 

బాధ తెలియని సాయం సమయాలు 

అలుపు తెలియని ధీర్ఘ ప్రయాణాలు 

లెక్కలేనన్ని అడ్డంకులను లెక్కచెయ్యని తనపు లెక్కపెట్టలేని నవ్వులు 

కష్టాలనన్నీ బాపు ఆపన్న హస్తాలు 

కన్నీరు తుడిచే ఆపాత నేస్తాలు 

మధురానుభూతులు 

తీపి క్షణాలు 

ముళ్ల బాటలలో రాళ్ళ రాదారిలో తెలియని గమ్యపు నడకలో సేద తీర్చే బాధ మరిపించే ధైర్యాన్ని పెంచే ఆనందాన్ని పంచే ప్రియ వచనాలు 

అన్నీ మూన్నాళ్ళ ముచ్చటేనా 

భవ సాగరాల ఈత ఒంటరి ఆటేనా 

జీవితం ఏకాకి బాటేనా 

ఒంటి స్వరం పాటేనా