Wednesday, March 24, 2010

శ్రీ రామ నవమి అనగానే....


శ్రీరామ నవమి అనగానే గుళ్ళలో పందిళ్ళు, వడపప్పు పానకాలు, సీతారామ కళ్యాణం, ముఖ్యంగా ఊళ్ళల్లో ఐతే పండగ అనే కంటే ఒక పెళ్లి వాతావరణం ఉంటుంది. పెళ్లన్నా, పెళ్లి హడావుడి అన్నా ఇష్టం లేని వాళ్ళెవరు? బహుశా అందుకేనేమో నాకు శ్రీ రామ నవమి అంటే పండగలలో ప్రత్యేకమయిన ఇష్టం. శ్రీ రాముడు దేవుడన్న విషయం పక్కన పెట్టినా, రాముడు ఆదర్శ పురుషుడికి ప్రతిరూపం. రామాయణం - మనిషి ఎలా బతికితే మనిషి అనిపించుకుంటాడో చెప్పే ఒక గైడ్. సమాజం సవ్యంగా నడవడానికి ఒక మార్గం. దానిలోని సారాన్ని గ్రహించి ప్రస్తుత పరిస్థితులకి అన్వయించి వాడుకుంటే రామాయణ పరమార్థం అవపోసన పట్టినట్టే అని నా ఉద్దేశ్యం.
సీతారాముల శుభ చరితం రస భరితం ఇది నిరితం
కమనీయం రమణీయం అనుదినము స్మరణీయం


అందుకే అనుకుంటా ఎన్ని రామాయణాలు వచ్చినా, రామాయణం లోంచి ఎన్ని కథలు వచ్చినా అతి మధురంగా ఉంటాయి. ఎన్ని సార్లు చూసినా విన్నా తరగని సుధలా మనసుకు విందు చేస్తుంటాయి. అన్నమయ్య రామచంద్రుడితడు అన్నా, త్యాగయ్య జగదానంద కారకా అన్నా- రామదాసు అంతా రామమయమన్నా మది పారవశ్యంతో పులకిస్తుంది. భక్తితో ఆనంద తాండవం చేస్తుంది. రామగానామృతం లో ఆర్తిగా తడుస్తుంది.



శ్రీ రామ నవమి రాముడి పుట్టినరోజు అయినా ఆ రోజు సీతారామ కళ్యాణానికే ప్రాముఖ్యత (ఎందుకా అని అడిగాను కొంతమందిని. కొంతవరకూ తెలిసింది. పెద్దలు ఎవరన్నా ఇంకా విపులంగా వివరిస్తే తెలుసుకోవాలని ఉంది). భద్రాద్రి లో కళ్యాణం కనులపండువుగా జరుగుతుందని వినడం, టీవీ లలో చూడడమే కానీ ఎప్పుడూ అక్కడ చూసే అదృష్టం ఇంకా కలగలేదు. నవమికి కాకపోయినా గోదావరి మీద (లాంచీ లో) ఒకసారి భద్రాచలం వెళ్లి దర్శించుకున్న తృప్తి మాత్రం ఉంది.


అమెరికాలో శ్రీ రామ నవమి అనగానే నాకు, చాలా మందికి పడమటి సంధ్యారాగంలో ఒక సన్నివేశం స్ఫురణకొస్తుంది. అందులో, ఆ రోజు శ్రీ రామ నవమని కూడా తెలియలేదని, స్వదేశం లో ఉంటే ఎంతో బాగా జరుపుకునేవాడినని ఒక ప్రవాసాంధ్రుడి బాధ. అదృష్టవశాత్తు గత దశాబ్ద కాలంలో ఇక్కడ మన జనాభా పెరగడం వల్లనైతే నేమి, మారిన ప్రచార మాధ్యమాల వల్లనైతేనేమి అలాటి అవస్థ లేదు. వారం ముందు నించే పండగ గురించి తెలిసిపోతోంది. గత ఏడాది లాగా వారంతం లో వస్తే ఇంకా అద్భుతంగా ఉండేది నవమి. ప్రశాంతంగా రాముడిని స్మరించుకోడానికి, పానకం, వడపప్పు , చలివిడి సావకాశంగా తినడానికి వీలు చిక్కుండేది. 


శ్రీరామ నవమి అనగానే సీతారాముల కళ్యాణం, అది తలుచుకున్నప్పుడు ఎన్ టి ఆర్ గారి సీతా రామ కళ్యాణమో బాపు గారి సీత కళ్యాణమో గుర్తుకు రాకమానదు. రెండూ నాకు భలే ఇష్టం. అందులో సీత కళ్యాణం ముఖ్యంగా రామాయణం మొత్తం ఒక నృత్య రూపకం లా చిత్రించడం నాకు భలే ఇష్టం. సీత రాముల బాల్యం, దశావతారాలు (ముఖ్యంగా వామనావతారం), విశ్వామిత్రుడు చెప్పే కథలు , సీతా రాముల కళ్యాణం అంత అందంగా తియ్యడం నేనే సినిమాలోనూ చూడలేదు. నేను ప్రతీ నవమికి ఆనవాయతీగా ఈ సినిమా చూస్తాను. రేపు సాయంత్రం కుదరకపోతే కనీసం వారంతమయినా చూడాలి.


మాకింకా నవమి రాలేదు కాబట్టి గత నవమి పానకం,వడపప్పు (ఫోటో మాత్రమే) ఇదిగో మీ కోసం.
అసల విషయం మర్చిపోయా.. మీకందరికీ  
                                            శ్రీ రామ నవమి శుభాకాంక్షలు 








P.S.  రామ కీర్తనలు (సినిమలలోనివి కానివి కూడా) వినాలంటే పైన వినచ్చు.

                                                      ---    లోకాస్సమస్తాత్ సుఖినో భవంతు  ---

13 comments:

  1. రాముణ్ణి గీసినా రామాయణం తీసినా బాపూ స్టైల్ అదరహో ......
    రాముడి పెళ్ళి కి ఊరంతా పెద్దలే, అందుకే అంత సందడి.

    ReplyDelete
  2. chhala bagundi..........

    Narasimham

    ReplyDelete
  3. మేము కళ్యాణం చూసి.. వడపప్పుతిని పానకము తాగేసామండి.మీకు కూడా శ్రీరామనవమి శుభాకాంక్షలు.

    ReplyDelete
  4. చాలా బాగుందండి :-) మీకు కూడా శుభాకాంక్షలు.

    ReplyDelete
  5. Vasu, baaga raasavu.Induloni prati vakyam, prati bhavana- accham ga naa aalochanala laane unnayi! Ramanavami anagane 'Padamati Sandhyaragam' cinema, Pibare Ramarasam paata, etc. tappakunda gurtostayi. Hats off to Jandhyala! Naaku eppudu ocche doubt- Ramudi puttina rojuna, Sita Rama Kalyanam enduku chestamu ani. Throw some light on that please....

    ReplyDelete
  6. @శ్రీరాం - థాంక్సులు. నీ సందేహ నివృత్తికి ఈ కింద లంకె చూడు.

    Why do we do kalyanam on sriramanavami, instead of celebrating birthday of rama ?

    From Chinnajeeyar swamy:
    http://www.chinnajeeyar.org/FAQ/Philosophy.aspx#q4

    ReplyDelete
  7. sri rama navami ante naku munduga gurthuvachedi ma inti gudi deggara pandillu vesi, road block chesi.
    ghananga vigrahalani alakarinchi, sri seeta rama kalyanam cheyistaru, dani tarvata bhojanam .. abbo chepakarledu , kotha ruchulu.. bavuntundi..
    ma pakka colony varaku vache lights & speakers tho oorantha sriramudi kalyanam tho marumogipothundi. .

    e blog chuste ade gurthochindi...

    ReplyDelete
  8. This comment has been removed by a blog administrator.

    ReplyDelete
  9. This comment has been removed by the author.

    ReplyDelete
  10. inka bapu gari seetha kalyanam cinema eppudu vastundani eduruchudadam.

    ReplyDelete
  11. Hi Vasu,

    Chaala baaga raasaavu. Srirama navami subhaakaankshalu meeku kooda. Naakuuu ventane gurtuku vachchindi sumi ... Padamati Sandhya raagam. Daantlo aa tandri, aihika sukhaalalo munigi mimmalne marachipoyamu swami ani edoo dialogue kottinattu gurtu. Inka Hyd lo, prati Raamanavami ki Gemini TV vaadu vese Lava Kusa cinema. Amma chesina paankam, vadapappu ... (Deep sigh!)... illu bhale gurtostondi.

    Sare, memu kooda ikkada edo udataa bhakti ga paanakam vadapappu, pulihora, gaarelu, saggubeyappayasam chesukunnamu :P. Marokasaari ... Srirama navami subhaakaankshalu!

    ReplyDelete
  12. బాగుందండీ.. నేను 'లవకుశ' గానీ, 'సీతాకళ్యాణం' గానీ చూస్తూ ఉంటాను..

    ReplyDelete