బుజి బుజి రేకుల బుజ్జాయి
బుజ్జా రేకుల బుజ్జాయి
బజ్జోవేమే పాపాయి
బొజ్జ నిండ పాలుతాగి
బుడిబుడి అడుగుల నడకలతో
చిటిపొటి మాటల మూటలతో
గజిబిజి ఆటల పాటలతో
అలసిపోవా పన్నెండైనా
బజ్జుకోవే బుజ్జిదానా
చుక్కలన్నీ మిన్ను దుప్పట్లో
బజ్జుకున్నాయ్ ఎపుడో ఎప్పట్లా
చందమామ తరిమి చీకట్లు
వెన్నెల కురిసే వాకిట్లో
బజ్జుకోవే బుజ్జిదానా
కొమ్మా రెమ్మా ఉయ్యాల్లో
గాలి లాలి పాటలతో
చిట్టీ పొట్టీ చిలకమ్మా
పిట్ట కోయిల కాకమ్మా
గుర్రుపెట్టి నిద్దరోయె
బజ్జుకోవే బుజ్జిదానా
వీధి చివర నుంటాడు
ఎర్రటి కళ్ళ తెల్లోడు
నల్లటి పళ్ల ఎర్రోడు
బుర్ర మీసాల బూచాడు
బాబోయ్ ఇంటికి వస్తాడు
బజ్జోపొతే నువ్వికనైనా
No comments:
Post a Comment