త్వమేవ శరణం మమ

నిస్పృహ వాకిట్లో నిరాశ చీకట్లలో ఆశా మిణుగురు కాంతి 

చింతలజడివానలో నా కన్నీరు తుడిచే  అదృశ్య శక్తి 

నిర్వికార నిరామయ నిరంజన మూర్తి 

చెంచల మదిలో అచంచల భక్తి 

కలిగించే దివ్య  భవ్య దీప్తి 

చీకాకులలో లో చేయూత నిచ్ఛే  దివ్య స్ఫూర్తి 

సంశయాలు సుడిగుండాల్లో 

జీవన భవసాగరంలో 

ఆపన్నహస్తమై నన్ను ఆదరిస్తావు

భయం కర్కశ రక్కసి కరాళదంష్ట్రలు చూసి నేనుకేకలేసి
సంచలిస్తుంటే ఒక్కఊరుకున వచ్చినాకు ఊతమిస్తావు
గుబులులన్నీమాపి గుండె దిటవుచేస్తావు

కష్టాలలో  కన్నీటివాగులు ఉప్పొంగుతుంటే
ఆపన్నహస్తమై నన్ను ఆదరిస్తావు
ఆపాత నేస్తమై నాకు ఆశ్రయమిస్తావు

అందుకే అన్యదా శరణం నాస్తి త్వమేవ శరణం మమ