పుష్ప విన్నపము

 తోటమాలి వాడకోయి 

నన్ను దేశనాయకుల స్వాగత సత్కారాల్లో 

హంగులు  డబ్బులు విరజిమ్మే పెళ్లి తోరణాల్లో 

పండుగ వాతావరణాలలో 

వాడకు నన్ను 

పూజా మండపాల్లో 

దేవతల అలంకారాల్లో 

స్వాముల బాబాల సేవలలో 

సెలెబ్రిటీల శవ పేటికలలో 

అత్తరులలో అగరత్తులలో 

తోటమాలి !  నేను కోరుకునేదొక్కటే నిన్ను 

అహర్నిశలు

మాతృభూమి రక్షణకై 

దేశప్రజల సంరక్షణకై 

నిద్రాకలలు మరచి 

సొంత ఊరు ఉన్నఇల్లు వదిలి 

తనను కన్నవాళ్ళు 

తాను కనవాళ్లను కాదనుకొని

మరఫిరంగుల చప్పుడు 

చెవిలో రింగుమంటున్నా 

కోరలుచాచిన   మృత్యువు కనపడుతున్నా 

తనవారి కన్నీళ్లు, మసిబారిన  కలలు  మస్తిష్కంలో మెదులుతున్న 

సాహసమే శ్వాసగా 

ధైర్యమే  ఊపిరిగా 

ప్రాణం తృణప్రాయంగా 

కదనభూమికి కదిలివెళ్తున్న 

వీర సిపాయిల కాలిబాటలో 

తోటమాలి ! తుంచి పారవేయి  నన్ను 

ఆ వీరుల పాదస్పర్శతో పునీతం కానీ నన్ను  

ఒక హిందీ కవితకి స్వేచ్ఛనువాదం